សាំយ៉ុង១២កៅអីឆ្លងចរន្តភ្លើង បង្កជាអណ្តាតភ្លើងឆេះអស់ស្ទើរទាំងស្រុង

ភ្នំពេញ៖ រថយន្តសាំយ៉ុង ពណ៌លឿង ប្រភេទ១២កៅអី មួយគ្រឿង ត្រូវអគ្គីឆាបឆេះស្ទើរទាំងស្រុង នៅកន្លែងលក់រថយន្តមួយកន្លែង នៅតាមបណ្តោយផ្លូវលេខ១០០៩ ក្រុមទី២ ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ហេតុការណ៍នេះកើតឡើងនៅវេលាម៉ោង០៤:៣០នាទីល្ងាច ថ្ងៃទី៣០ ខែមីនា ឆ្នាំ២០១៩ ដែលមានម្ចាស់ឈ្មោះ វួន សុផល ភេទ ប្រុស អាយុ៦១ឆ្នាំ ជនជាតិខ្មែរ មុខរបរ លក់រថយន្ត ។

ម្ចាស់រថយន្តខាងលើបានអោយដឹងថា ដើមហេតុនៃការឆាបឆេះ គឺបណ្តាលមកពីឆ្លងចរន្តភ្លើង និងមិនមានបង្កផលប៉ះពាល់ដល់មនុស្សទេ លោកក៏បានបន្ថែមថា ក្នុងហេតុការណ៍នេះក៏បានការជួយអន្តរាគមន៍ជួយពន្លត់ របស់កម្លាំងពន្លត់អគ្គីភ័យរាជធានីភ្នំពេញបាញ់ពន្លត់អស់ទឹក១ឡានផងដែរ ៕