ស្នងការខេត្តក្រចេះ លោក លន់ សុផាត បញ្ជាកម្លាំងចុះបង្ក្រាបការជួញដូរ និងឃាត់ខ្លួនជនសង្សយ័ពាក់ពន្ធ័នូវសារធាតុញៀនខុសច្បាប់ក្នុងផ្ទះសំណាក់យីហោ សុភមង្គល បាន១៩នាក់

ខេត្តក្រចេះ៖ ករណីចុះបង្ក្រាបការជួញដូរ និងឃាត់ខ្លួនជនសង្សយ័ពាក់ពន្ធ័នូវសារធាតុញៀនខុសច្បាប់ទ្រង់ទ្រាយធំ ក្រោមបទបញ្ជាណែនាំរបស់លោក លន់ សុផាត ស្នងការខេត្ត លោក កែវ សុជាតិ ព្រះរាជអាជ្ញាខេត្ត និងលោក ទុត វីនីត ព្រះរាជអាជ្ញារង អមសាលាដំបូងខេត្ត សម្របសម្រួសផ្នែកច្បាប់ នៅថ្ងៃទី១៨ ខែសីហា ឆ្នាំ២០១៨ វេលាម៉ោង ១២:១០នាទីថ្ងៃត្រង់ ក្នុងផ្ទះសំណាក់យីហោ សុភមង្គល ស្ថិតក្នុងភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ។

ការចុះបង្ក្រាបខាងលើឃាត់ខ្លួនជនសង្សយ័ ប្រុស-ស្រី ចំនួន១៩នាក់ និងដកហូតវត្ថុតាងមួយចំនួនរួមមាន៖ ម្សៅក្រាមពណ៌សចំនួន ៧កញ្ចប់ ឧបករណ៍សេពសារធាតុញៀនជាច្រើន ទូរសព្ទ័ដៃចំនួន ៨គ្រឿង និងម៉ូតូចំនួន ២គ្រឿង ចំណែកជនសង្សយ័ ទី១ឈ្មោះ សុខក្រី ណាសិទ្ធ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ ទី២ឈ្មោះ រូន សលីហ៊ីន ភេទប្រុស អាយុ ២៣ឆ្នាំ មុខរបរកសិករ ទីលំនៅភូមិទ្រា ឃុំទ្រា ស្រុកក្រូចឆ្មា ខេត្តត្បូងឃ្មុំ ទី៣ឈ្មោះ យ៉ាន គឹមហុង ភេទប្រុស អាយុ ៣២ឆ្នាំ មុខរបរកសិករ ទីលំនៅភូមិព្រែកសំរោង ឃុំខ្សាច់អណ្តែត ស្រុកឆ្លូង ខេត្តក្រចេះ ទី៤ឈ្មោះ សារី សហ៊ាត ភេទប្រុស អាយុ២៥ឆ្នាំ មុខរបរកសិករ ទីលំនៅភូមិសយ ឃុំប៉ុស្តិ៍ស្រុកក្រូចឆ្មារ ខេត្តត្បូងឃ្មុំ ទី៥ឈ្មោះ ផៃ ចាន់ធានិត ភេទប្រុស អាយុ២៤ឆ្នាំ មុខរបរកម្មករ ទីលំនៅភូមិឆ្លូង ឃុំឆ្លូង ស្រុកឆ្លូង ខេត្តក្រចេះ ទី៦ឈ្មោះ សូ វណ្ណា ភេទស្រី អាយុ៣៤ឆ្នាំ មុខរបរបោសសំអាតផ្ទះសំណាក់ ទីលំនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង ទី៧ឈ្មោះ សូ ហឿន ភេទស្រី អាយុ ៥៣ឆ្នាំ មុខរបរបោសសំអាតផ្ទះសំណាក់ ទីលំនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង ទី៨ឈ្មោះ ឆេង គីម ភេទស្រី អាយុ២០ឆ្នាំ មុខរបរហាងខារ៉ាអូខេ ទីលំនៅភូមិប្រម៉ា ឃុំដំរីផុង ស្រុកឆ្លូង ខេត្តក្រចេះ ទី៩ឈ្មោះ រឿន ស្រីរ៉ា ភេទស្រី អាយុ១៧ឆ្នាំ មុខរបរហាងខារ៉ាអូខេ ទីលំនៅភូមិទី១ សង្កាត់វាលវង់ ក្រុងកំពង់ចាម ខេត្តកំពង់ចាម ទី១០ឈ្មោះ ទិន កី ភេទប្រុស អាយុ ៣៥ឆ្នាំ មុខរបរកសិករ ទីលំនៅភូមិអំពិល ឃុំប៉ុស្តិ៍ ស្រុកក្រូចឆ្មា ខេត្តត្បូងឃ្មុំ ទី១១ឈ្មោះ យួង ពិសី ភេទស្រី អាយុ២២ឆ្នាំ មុខរបរហាងខារ៉ាអូខេ ទីលំនៅភូមិស្លា ឃុំតាលុង ស្រុកមេមត់ ខេត្តត្បូងឃ្មុំ ទី១២ឈ្មោះ ហួត ស្រីជីង ភេទស្រី អាយុ៣០ឆ្នាំ មុខរបរហាងខារ៉ាអូខេ ទីលំនៅភូមិឬស្សីធ្លក ឃុំកទ្រេត ស្រុកស្វាយអន្ទរ ខេត្តព្រៃវែង ទី១៣ឈ្មោះ តាំង បញ្ញា ភេទស្រី អាយុ៣១ឆ្នាំ មុខរបរអ្នកទទួលភ្ញៀវផ្ទះសំណាក់ ទីលំនៅភូមិកំពង់គ ឃុំកំពង់គ ស្រុកព្រែកប្រសព្វ ខេត្តក្រចេះ ទី១៤ឈ្មោះ ហេង សារ៉ានី ភេទស្រី អាយុ៣២ឆ្នាំ មុខរបរកម្មករ ទីលំនៅភូមិ៤៤ ឃុំព្រះធាតុ ស្រុកអូរាំងឪ ខេត្តត្បូងឃ្មុំ 
ទី១៥ឈ្មោះ ជា ស្រីអូន ភេទស្រី អាយុ១៨ឆ្នាំ មុខរបរហាងខារ៉ាអូខេ ទីលំនៅភូមិប្រម៉ា ឃុំដំរីផុង ស្រុកឆ្លូង ខេត្តក្រចេះ ទី១៦ឈ្មោះ អ៊ុន ចាន់ណែត ភេទស្រី អាយុ៣០ឆ្នាំ មុខរបរហាងខារ៉ាអូខេ ទីលំនៅភូមិតាកែវ ឃុំគ ស្រុកព្រៃឈរ ខេត្តកំពង់ចាម ទី១៧ឈ្មោះ សៅ សុថារី ភេទស្រី អាយុ១៩ឆ្នាំ មុខរបរហាងខារ៉ាអូខេ ទីលំនៅភូមិក្សេមក្សាន្ត ឃុំក្សេមក្សាន្ត ស្រុកឧត្តុង ខេត្តកំពង់ស្ពី ទី១៨ឈ្មោះ វេល ប៉ាទ្រីយាស់ ភេទស្រី អាយុ២៣ឆ្នាំ ជាតិខ្មែរអ៊ីស្លាម មុខរបរកសិករ ទីលំនៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ និងទី១៩ឈ្មោះ ព្រុំ វិចិត្រ ភេទប្រុស អាយុ៤៨ឆ្នាំ មុខរបរម្ចាស់ផ្ទះសំណាក់ មានទីលំនៅភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ។

បច្ចុប្បន្នជនសង្ស័យ និងវត្ថុតាង ត្រូវសមត្ថកិច្ចជំនាញ នាំខ្លួនយកទៅសាកសួរ និងកសាងសំនុំរឿងបញ្ចូនឡើងតុលាការតាមនីតិវិធី ៕

រាយការណ៍ដោយ៖ មាស ម៉ារត្ន័