ឯកឧត្តម បណ្ឌិត ម៉ុក ម៉ារ៉េត អញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលការបោះឆ្នោត ជ្រើសតាំងតំណាងរាស្ត្រ នីតិកាលទី៦

ខេត្តតាកែវ៖ នៅព្រឹកថ្ងៃ អង្គារ ១០កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២១ ខែសីហា ឆ្នាំ២០១៨ ឯកឧត្តម បណ្ឌិត ម៉ុក ម៉ារ៉េត តំណាងរាស្រ្តមណ្ឌលខេត្តតាកែវ និង ជាសហប្រធានក្រុមការងារថ្នាក់កណ្តាលចុះជួយស្រុកសំរោង ខេត្តតាកែវ បានចូលរួមជាអធិបតីភាពក្នុងកិច្ចប្រជុំបូកសរុបលទ្ធផលការបោះឆ្នោត ជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ ។

ក្នុងកម្មវិធីព្រឹកនេះ គឺមានការចូលរួមពីសំណាក់ ឯកឧត្តម ប្រធានក្រុមការងារចុះជួយឃុំ លោក ញ៉េប លី ទីប្រឹក្សាគណបក្សស្រុក លោក កេត ម៉ៅ ប្រធានគណបក្សស្រុកសំរោង និង សមាជិក សមាជិការ គណបក្សឃុំ សរុបចំនួន ២៤៦ នាក់ ៕

រាយការណ៍ដោយ៖ មាស ម៉ារត្ន័