ក្រុមក្មេងញៀនថ្នាំ៤នាក់ត្រូវកម្លាំងប៉ុស្តិ៍រដ្ឋបាលឃុំស្ទឹងកាច់ក្របួចជាប់ក្នុងផ្ទះសំណាក់យីហោ ពេជ្រ បូរ៉ាន់

ខេត្តប៉ៃលិន៖ ក្មេងទំនើងចំនួន៤នាក់ត្រូវបានកម្លាំងប៉ុស្តិ៍រដ្ឋបាលឃុំស្ទឹងកាច់ សហការជាមួយ កម្លាំងប្រជាការពារចុះឃាត់ខ្លួនភ្លាមៗ ករណីពាក់ពន្ធ័សារធាតុញៀន នៅក្នុងផ្ទះសំណាក់យីហោ ពេជ្រ បូរ៉ាន់ បន្ទប់លេខ៧ ភូមិផ្សារព្រំ ឃ៊ំស្ទឹងកាច់ ស្រុកសាលាក្រៅ ខេត្តប៉ៃលិន នាថ្ងៃទី១៥ ខែសីហា ឆ្នាំ២០១៨ វេលាម៉ោង៥:៣០នាទីល្ងាច។

ក្រោយពីចុះបង្ក្រាបសមត្ថកិច្ចជំនាញដកហូតបានវត្ថុតាងមាន ដាវវែង ចំនួន០២ដើម ដែក​កេះចំនួន០៥​ 
និងឧបករណ៍សំរាប់សេពសារធាតុញៀន ចំណែកជនសង្សយ័រួមមាន ទី១ឈ្មោះ ហ៊ន ម៉ៃហាវ ហៅ រ៉ា ភេទប្រុស អាយុ ១៩ឆ្នាំ រស់នៅភូមិតាកុដ ឃុំរតនមណ្ឌល ស្រុករតនមណ្ឌលខេត្ត បាត់ដំបង ទី២ឈ្មោះ ហៃ ខាវ ហៅ ខាវ ភេទប្រុស អាយុ ១៨ឆ្នាំ រស់នៅភូមិអន្លុងថ្ងាន ខេត្តបន្ទាយមានជ័យ ទី៣ឈ្មោះ ឆាន ផានិត ភេទស្រី អាយុ ១៦ឆ្នាំ រស់នៅភូមិអូឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ទី៤ឈ្មោះ វ៉ាត ធីតា ភេទស្រី អាយុ ១៨ឆ្នាំ រស់នៅភូមិ ផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។

ជនសង្ស័យទាំង០៤នាក់ រួមទាំងវត្ថុតាង បាននាំយកទៅអធិការដ្ឋាននគរបាលស្រុកសាលាក្រៅ ដើម្បីកសាងសំណុំរឿងចាត់ការតាមច្បាប់ ៕

រាយការណ៍ដោយ៖ មាស ម៉ារត្ន័
នាយកគ្រប់គ្រង #OnlineReporter