លោកឧត្តមសេនីយ៍ទោ ឯម កុសល បញ្ជាកំលាំងអោយចុះបង្ក្រាបករណីនេសាទខុសច្បាប់ក្នុងតំបន់B6 នៅស្រុកកងមាស

ខេត្តកំពងចាម៖ នៅថ្ងៃទី០៥ ខែសីហា ឆ្នាំ២០១៨ វេលាម៉ោង០៧:០០នាទីព្រឹក ក្រោយទទួលបានព័ត៌មានថាមានបទល្មើស ករណីនេសាទខុសច្បាប់លោកឧត្តមសេនីយ៍ទោ ឯម កុសល បានចាត់បញ្ជារ លោកអធិការនគរបាលស្រុកកងមាស និងកំលាំងប៉ុស្តិ៍នគរបាលរដ្ឋបាលអង្គរបាន ខ្ចៅ រការអារ សហការជាមួយក្រុមប្រឹក្សាឃុំខ្ចៅ និងប្រជាពលរដ្ឋ ចុះបង្រ្កាបបទល្មើសនេសាទខុសច្បាប់នៅចំណុចបឹងB៦ ស្រុកកងមាស ខេត្តកំពង់ចាម ។

ក្នុងករណីចុះបង្ក្រាបខាងលើ សមត្ថកិច្ចជំនាញ ប្រមូលបានដូចជា លូស្បៃមុង ចំនួន២៧មាត់ រ៉ាវ ចំនួន២៨មាត់ របាំងព្រួល ប្រវែង១៦៥០ម៉ែត្រ និងចាក់លែងកូនត្រីចំរុះចូលក្នុងបឹងវិញបានចំនួន៥២០គីឡូក្រាម។

ចំពោះសម្ភារះវត្ថុតាងដែលប្រមូលបាន លោកព្រះរាជអាជ្ញា ហួត វុទ្ឋី បានបញ្ជាអោយបង្កើតគណកម្មការដុតបំផ្លាញចោលនៅនិងកន្លែងតែម្តង ៕

រាយការណ៍ដោយ៖ មាស ម៉ារត្ន័
នាយកគ្រប់គ្រងការផ្សាយ #OnlineReporter