សង្វៀនមាន់ដុះស្លែរក្នុងភូមិដំណាក់ធំ៣ កម្លាំងចម្រុះសង្កាត់ស្ទឹងមានជយ័៣ចុះបង្ក្រាប់រុះរើសង្វៀនកំទេចចោលអស់ហើយ

ភ្នំពេញ៖ កម្លាំងចម្រុះសង្កាត់ស្ទឹងមានជ័យ៣បានសហការគ្នាចុះបង្ក្រាបសង្វៀនមាន់ជល់ដុះស្លែរមួយកន្លែង ស្ថិតក្នុងភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ដែលដឹងនាំដោយលោក អ៊ុម ហឿន ចៅសង្កាត់ និងលោក ឯម ភារី មេប៉ុស្តិ៍ស្ទឹងមានជយ័ទី៣ ។

ការចុះបង្ក្រាបនេះធ្វើឡើងនៅវេលាម៉ោង១១:៣០នាទីថ្ងៃត្រង់ ថ្ងៃទី២៩ ខែមីនា ឆ្នាំ២០១៩ ។ សម្ភារៈដកហូតបានមាន៖ តង់ប្រក់ដំបូលបានចំនួន៣, ក្ដាធ្វើស៊ុមសម្រាប់ជល់មាន់ចំនួន១០បន្ទះ, ឈើបង្គោលសម្រាប់ធ្វើប្រក់ដំបូលចំនួន៤ដើម, ចបជីកចំនួន១, ចបកាប់ចំនួន១, ដែកបោះបង្គោលធ្វើស៊ុមមួយចំនួន និងសម្ភារៈផ្សេងៗមួយចំនួនទៀត ៕

ក្រោយពីការបង្ក្រាបនេះ ក៏មានប្រជាពលរដ្ឋរស់នៅម្តុំនេះលួចខ្សឹបប្រាប់អោយភ្នាក់ងារ អនឡាញរីផតធើ-Online Reporter ដឹងថា ទីតាំងមួយនេះចុះបង្ក្រាបបានតែមួយប៉ប្រិចភ្នែកប៉ុណ្ណោះ បើកវិញហើយ មិនដឹងថាខ្នងខាងម្ចាស់សង្វៀនធំប៉ុណ្ណានោះទេ ដូច្នោះយើងមានតែរង់ចាំមើលថាដូចពាក្យប្រជាពលរដ្ឋលួចខ្សឹបប្រាប់ដែរឬទេ!! ៕