មានមតិនាឱកាសនោះ លោកជំទាវ អ៊ី សុធារី តំណាងក្រុមហ៊ុនទឹកបរិសុទ្ធ អូគូលែន មានការគាំទ្រ និងមានទឹកចិត្តរីករាយជាខ្លាំង ក្នុងការចូលរួមចំណែកជាមួយសកម្មភាពមនុស្សធម៌របស់កាកបាទក្រហមកម្ពុជា ដើម្បីជួយសម្រាលទុក្ខលំបាករបស់បងប្អូនប្រជាពលរដ្ឋទីទ័លក្រ រងគ្រោះ និងងាយរងគ្រោះ នៅគ្រប់ទីកន្លែង។
មានប្រសាសន៍នាឱកាសនោះដែរ លោកជំទាវអនុប្រធានគណៈកម្មាធិការសាខាខេត្តសៀមរាប ក៏បានថ្លែងអំណរគុណ យ៉ាងជ្រាលជ្រៅចំពោះទឹកចិត្តដ៏សប្បុរសធម៌របស់ថ្នាក់ដឹកនាំ ក្រុមហ៊ុនទឹកបរិសុទ្ធ អូគូលែន ដែលបានយកចិត្តទុកដាក់ និងមានសន្ដានប្រគល់នូវអំណោយជាគ្រឿងបរិភោគនាពេលនេះ គឺសបញ្ជាក់ពីទឹកចិត្តសប្បុរសធម៌ ចំពោះបងប្អូនប្រជាពលរដ្ឋរងគ្រោះ និងងាយរងគ្រោះ។
ក្នុងកាយវិការដ៏មនុស្សធម៌នេះ គឺជាការចូលរួមរបស់សប្បុរសជន ជាមួយសកម្មភាពមនុស្សធម៌របស់ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។
អំណោយទាំងនេះ សាខាកាកបាទក្រហមកម្ពុជា ខេត្តសៀមរាប នឹងយកទៅប្រើប្រាស់ឱ្យចំគោលដៅមនុស្សធម៌ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាអន្តរជាតិកាកបាទក្រហម អឌ្ឍចន្ទក្រហម។
No comments:
Post a Comment