ស្រ្តីវយ័ចំណាស់ម្នាក់ត្រូវបានឃាត់ខ្លួន ក្នុងករណីជួញដូរសារធាតុញៀនខុសច្បាប់

ខេត្តឧត្តរមានជយ័៖ កម្លាំងនគរបាលក្រុងសំរោង សហការជាមួយ កម្លាំងប៉ុស្តិ៍នគរបាលរដ្ឋបាល សង្កាត់អូរស្មាច់ នៃខេត្តឧត្តរមានជ័យ បានចុះឃាត់ខ្លួនជនសង្សយ័ម្នាក់ ជាស្រ្តីករណីជួញដូរសារធាតុញៀនខុសច្បាប់ នាថ្ងៃទី១២ ខែសីហា ឆ្នាំ២០១៨ វេលាម៉ោង១១:៥០នាទីថ្ងៃត្រង់ នៅក្នុងផ្ទះជនសង្សយ័ដែលស្ថិតក្នុងភូមិចំការចេក សង្កាត់អូរស្មាច់ ក្រុងសំរោង។

ក្នុងករណីចុះឃាត់ខ្លួនខាងលើ សមត្ថកិច្ចដកហូតបានថ្នាំប្រភេទគ្រាប់ ពណ៌ក្រហម ១កញ្ចប់ធំ មានចំនួន២០០គ្រាប់ និងក្រាម ពណ៌ស ចំនួន១៤កញ្ចប់តូច សង្សយ័ជាប្រភេទសារធាតុញៀនខុសច្បាប់ រួមទាំងឧបករណ៍សំរាប់ប្រើប្រាស់គ្រឿងញៀនមួយចំនួនទៀត។

ជនសង្សយ័មានឈ្មោះ សូត្រ ភាព ហៅ យាយភាជ ភេទស្រី អាយុ ៥៤ឆ្នាំ ស្នាក់នៅផ្ទះឃាត់ខ្លួនខាងលើ ក្រោយពីការឃាត់ខ្លួន សមត្ថកិច្ចជំនាញបានបញ្ជូនជនសង្សយ័ រួមទាំងវត្ថុតាង បន្តទៅកាន់ ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តឧត្តរមានជ័យ ដើម្បីចាត់ការតាមច្បាប់ ៕

រាយការណ៍ដោយ៖ មាស ម៉ារត្ន័
នាយកគ្រប់គ្រងការផ្សាយ #OnlineReporter